Muli, Para Sa'yo Malko

dito ko na lang isisiwalat ang lahat ng takot at pangamba, tuwa at pagmamahal na nararamdaman ko para sa'yo...

takot....na baka mawala ka sa akin isang araw..
takot na baka wala akong magawa kapag nangyari iyon..
takot na baka maagaw ka sa akin ng iba..ng mga pangarap mo...ng pagkakataon..
takot na baka di pa sapat ang pagmamahal na pinapadama ko sa'yo...

pangamba dahil hindi ko kayang arukin at bigyan ng sapat na garantiya na di magiging sagabal sa ating dalawa ang pagtupad ko sa aking mga pangarap..
pangamba na baka may mga taong sadyain na paghiwalayin tayong dalawa..
pangamba sa kung anu mang pangyayari na nakatakdang dumating na parehong di kayang saklawan ng kakayahan nating dalawa...

tuwa dahil alam kong sa kabila ng lahat...sa abot ng ating makakaya, ay pareho nating binibgyan ng pagpapahalaga at pagmamahal ang isa't isa..
tuwa dahil alam kong sa kabila ng lahat ng takot at pangamba, ay mananatili ka sa aking tabi..
tuwa dahil alam kong sa kabila ng aking mga pagdududa at kakulangan ng tiwala sa'yo at sa aking sarili, alam kong tunay mo akong minamahal...

pagmamahal na sobra sobra at lagi kong handang ibigay sa'yo..
pagmamahal na lagi kong natatanggap mula sa yo..
pagmamahal na nagtulak sa akin upang muli kong bigyan ang akng sarili ng karapatan na mangarap at magtiwalang kaya kong tuparin ang mga ito..
pagmamahal na magbubuklod pa sana sa atin ng mas higit sa mga dadating pang mga panahon..

sa lahat ng ito..
sa lahat ng pangungulit
sa lahat ng pang-aasar
sa lahat ng nakaraan mo na madalas pa ding nakakapag paselos sa akin
sa lahat ng mga babaeng minahal mo at naging parte ng iyong nakaraan
sa lahat ng tuwa, ngiti, halakhak na binibgay mo sa akin..
sa lahat ng mga may kababawan at may katuturan nating mga tampuhan at mga di pagkakaunawaan..
sa lahat ng mga kakulangan natin sa isa't isa
sa lahat lahat...salamat malko...

MAHAL NA MAHAL KITA... :) HANGAD KONG MAS MAHALIN PA NATIN ANG ISA'T ISA HANGGANG SA BAWAT PAG-INOG NG MUNDO NA KAYANG HABULIN AT SABAYAN NG BAWAT TIBOK NG ATING MGA PUSO... :) (aha, aha... cheesy yan, aminin mo) hahahhaha